Ermənistan beynəlxalq terror mərkəzlərindən birinə çevrilib. Pakistanın Xidmətlərarası Kəşfiyyatı burada özünü evdəki kimi hiss edir.
İnterpress.az xəbər verir ki, bu barədə “Hindustan Times” Hindistanın Milli İstintaq Agentliyinə istinadən məlumat yayıb.
Nəşr yazır ki, Hindistanın Milli İstintaq Agentliyi 2024-cü il dekabrın 12-də Qurdaspurda (Pəncab ştatı) polis məntəqəsinin partladılması – səs-küylü terror aktının hazırlanması barədə ətraflı məlumat yayıb.
“Hücum ABŞ, Aİ və bir çox başqa ölkələrdə terrorçu kimi tanınan Babbar Khalsa International (BKI) təşkilatının bir qrup silahlısı tərəfindən təşkil edilib və həyata keçirilib.
Onlar Pakistanın qızğın dəstəyi ilə Pəncab əyalətinin Hindistandan ayrılması üçün mübarizə aparırlar.
Bildirilir ki, terrorçulardan biri Abhiyot Sinq Ermənistanda “xarici mütəxəssislər” tərəfindən təlimatlandırılıb, oradan partlayıcı maddələr və silahlar alıb və hamısını Hindistana gətirib.
BKI-nin digər silahlısı, Ermənistandan olan Şamşer Sinq, təlimatı silahdaşlarına ötürüb və silahların ötürülməsinə nəzarət edib.
Ən azı bundan belə nəticə çıxır ki, Ermənistan ərazisində baza (bəlkə də birdən çox) var ki, orada bəzi əcnəbilər (pakistanlı? türklər?) Hindistan separatçı hərəkatının iştirakçılarına terrorizmi öyrədirlər.
Bundan əlavə, Ermənistan, görünür, qeyri-qanuni silah alverçiləri üçün tranzit bazaya çevrilib və oradan silahlar dünyanın ən ekzotik yerlərində axır.
Hindistanın Ermənistanla hərbi əməkdaşlığa soyuq münasibətinin və Yeni Dehlidən silah tədarükünü gecikdirməsinin səbəbləri aydınlaşır”, – nəşr qeyd edib.
Hesabatda daha sonra vurğulanır ki, digər terror aktlarında da erməni izlərinə rast gəlinib.
“Onu da qeyd edək ki, digər terror aktlarında da erməni izlərinə rast gəlinib. Rusiyadan danışırıqsa, 2023-cü ilin payızında Krım körpüsünə dağıdıcı hücumda və 2025-ci ilin fevralında Moskvada “ArBat” batalyonunun komandirinin bombalanmasında.
Bura 60 mindən çox hindlinin miqrasiyasından sonra pakistanlıların Ermənistana gözlənilməz miqrasiyasını xatırlayaq: indi ölkədə Pakistandan 25 minə qədər qonaq ola bilər”, – nəşr vurğulayır.
Xuraman Etibarlı
İnterpress.az
