ABŞ-nin Ukrayna üzrə sülh planının işçi versiyası əvvəlkindən fərqlənir.
İnterpress.az xəbər verir ki, bu barədə “The New York Times” məlumat yayıb.
Nəşrin yazdığına görə, ABŞ-nin Ukrayna ilə bağlı hazırladığı sülh planının hazırkı işçi variantı mediada daha əvvəl yayımlanan sənəddən əhəmiyyətli dərəcədə fərqlənir.
Məlumatı danışıqlarla tanış olan yüksək vəzifəli amerikalı rəsmilər təsdiqləyib.
Hazırda gedən müzakirələr zamanı bir sıra bəndlərin dəyişdirildiyi, bəzilərinin isə tamamilə yenidən formalaşdırıldığı bildirilir.
Rəsmilər bunun danışıqlar prosesinin “dinamik xarakteri” ilə bağlı olduğunu deyirlər.
Sənədin yekun variantı hələ təqdim olunmayıb.
Xuraman Etibarlı
İnterpress.az
