“Türk birliyinin qurulmasında türk gəncliyinin üzərinə böyük vəzifə düşür”

İnterpress.az xəbər verir ki, bu sözləri Azərbaycan Kikboksinq Federasiyasının prezidenti, Milli Məclisin deputatı Adil Əliyev Alpaqut üzrə 3-cü Azərbaycan Çempionatının açılış mərasimində çıxışında bildirib:

“Sevindirici hal odur ki, Azərbaycanda qədim türk döyüş sənətini inkişaf edir. Bu gün Azərbaycana sağlam və milli ruh daşıyıcısı olan gənclər çox lazımdır. Alpaqutçular da bu missiyaya xidmət edirlər. Türk birliyinin qurulmasında türk gəncliyinin üzərinə böyük vəzifə düşür.

Azərbaycan prezidenti cənab İlham Əliyevə öz təşəkkürümü bildirirəm ki, ölkədə idmanın inkişafı üçün hər çür imkan və şərait yaradıb ki, gənclərimiz sağlam yetişsinlər. Bu şəraitdən hər bir gənc yararlanmalıdır. Torpaqları işğal altında olan xalq fiziki və ruhən döyüşə hazır olmalıdır”.

İnterpress.az