İnterpress.az-ın məlumatına görə, East Bay Times qəzetinin yaydığı məlumata görə, hüquq mühafizə orqanları azı 15 nəfəri saxlayıb.
Qarşıdurma Trampdan vergi bəyannaməsinin dərc olunmasını tələb edənlərin yürüşü zamanı baş verib. Prezident ödədiyi vergilər barədə məlumatları açıqlayacağını dəfələrlə vəd etsə də, bunu indiyədək etməyib.
Nümayiş zamanı Trampın tərəfdarları və əleyhdarları arasında qarşıdurma yaşanıb. Bir neçə nəfərin yaralandığı bildirilir.
CNN telekanalının məlumatına görə, bu gün Birləşmiş Ştatların 150-dən çox şəhərində, o cümlədən Vaşinqton, Nyu-York, Çikaqo, Filadelfiya, San-Fransisko, Los-Anceles və Bostonda Trampın ödədiyi vergilərə dair hesabat verməsi tələbi ilə aksiyalar keçiriləcək.
İnterpress.az
