İnterpress.az-ın məlumatına görə, Kirmanşah polisi elan edib ki, Ravansər bölgəsində 2 nəfər saxlanılıb. Bundan başqa, Kirmanşahın Səlas Babacani şəhərində sahibsiz “Peugeot” markalı avtomobildə 92 ədəd tapança tapılıb.
Qeyd edək ki, iyunun 7-də Tehranda baş vermiş terror hadisələri nəticəsində 17 nəfər ölüb, 52 nəfər yaralanıb.
Hazırda Tehranda terror qurbanları ilə vida mərasimi keçirilir. Vida mərasimi parlament binasında təşkil olunub. Mərasimdə dövlət rəsmiləri və xarici diplomatlar iştirak edir.
İnterpress.az
