Məhkəmədən gələn bəyanatda bildirilir ki, Lopezlə bağlı sağlıq səbəbilə “humanitar qərar alınıb”. Hakim isə bu qərarı məhkəmənin prezidenti Maikel Morenonun verdiyini bildirib.
46 yaşlı Lopez 2014-cü ilin fevral ayında üç nəfərin ölümünə, onlarla insanın yaralanması ilə nəticələnən hökümətə qarşı etirazlarda zorakılıq təhrik etmək ittihamı ilə həbs olunub. Bir il sonra isə o, 14 il müddətinə azadlıqdan məhrum edilib.
“Leopoldo Lopez xanımı Lilian və uşaqları ilə birlikdə Karakasda evindədir”, deyə Lopezin ispaniyalı vəkili Xavier Kremades bildirib. “O azad deyil, ev dustağıdır. O, həbsxanadan səhərə yaxın çıxarılıb (\”Amerikanın səsi\”).
İnterpress.az
