ABŞ-ın müdafiə naziri Lloyd Ostin bəyan edib ki, ABŞ Avstraliyaya “Qara Şahin” helikopterinin çatdırılmasını sürətləndirəcək. Bu barədə İnterpress.az yerli mediaya istinadən xəbər verir. Pentaqondan bildirilib ki, müdafiə naziri Lloyd Ostin Vaşinqtonda avstraliyalı həmkarı Riçard Marleslə görüşüb.
ABŞ və Avstraliyanın Hind-Sakit Okean bölgəsində bir çox problemlə üzləşdiyinə diqqət çəkən Ostin “Black Hawk” helikopterinin Avstraliyaya çatdırılmasını sürətləndirəcəklərini qeyd edib.
Avstraliyaya məxsus MRH-90 Taipan helikopterinin iyul ayında Avstraliyada keçirilən təlim zamanı qəzaya uğraması və 4 ABŞ əsgərinin həlak olmasından sonra Avstraliya bütün MRH-90-ların uçuşunu qadağan edib.
ABŞ-dan alınmış və bəziləri Avstraliyaya çatan Black Hawks-ın MRH-90-ları əvəz etməsi planlaşdırılır.
