ABŞ-da dörd tibb assosiasiyası həkimlər üçün beyin ölümünün olub-olmadığına qərar vermək üçün yeni bələdçi hazırlayıb.
Bu barədə İnterpress.az xarici mediaya istinadən xəbər verir.
Amerika Nevrologiya Akademiyasının (AAN) yaydığı məlumatda beyin ölümü diaqnozunun ABŞ və digər ölkələr arasında fərqli olduğu və xəstəxanalara ümumi diaqnozun qoyulması üçün yeni bələdçidən əsas götürülməsi tövsiyə edilib.
Yeni təlimata əsasən, həkimlər beyin funksiyasını bərpa etmək ehtimalı az olan, reaksiya verə bilməyən və təkbaşına nəfəs ala bilməyən insanlarda beyin ölümü diaqnozunu qoya biləcəklər.
Filadelfiya Uşaq Xəstəxanasından Dr. Metyu Kirşen qeyd edib ki, əvvəllər böyüklər və uşaqlar üçün beyin ölümünü təyin etmək üçün iki ayrı təlimat olub. Kirschen ikisinin yeni bələdçidə birləşdirildiyini və həkimlərə diaqnoz üçün daha əhatəli və praktik bir yol təqdim etdiyini söyləyib.
