Sanksiyalar Putinin müharibə aparmasına mane olmur.
İnterpress.az xəbər verir ki, bu barədə “The Wall Street Journal” yazıb.
Avropa İttifaqının 17 sanksiya paketinə baxmayaraq, Rusiya 2025-ci ildə enerji və xammal ixracından təxminən 233 milyard avro əldə edəcək. Təkcə Aİ ölkələrindən – 20 milyarddan çox. Bu, məsələn, Avropanın Ukraynaya hərbi yardıma xərclədiyindən bir neçə dəfə çoxdur.
Rusiya ilə ticarət geniş miqyasda davam edir, Kreml qaz, neft, kömür, LNG və uran tədarükü üçün pul alır. Əsas alıcılar Çin, Hindistan və Türkiyə olsa da, Avropa Birliyi də ciddi töhfə verir. Yalnız bir ayda – bu ilin fevralında Aİ Rusiyadan 2 milyard avro dəyərində neft, qaz və uran alıb.
Bu gəlirlər Vladimir Putinə ÜDM-in 6,3%-ni hərbi sənayeyə, yəni dövlət büdcəsinin təxminən 40%-ni yönəltməyə imkan verir.
Rusiya ildə yüzlərlə yeni tank istehsal edir, daha 300-ünü təmir edir və ən əsası hücum pilotsuz təyyarələrinin istehsalını kəskin artırır. Ukraynalı analitiklərin fikrincə, Moskva 2025-ci ildə 150 mindən çox uzaqmənzilli dron istehsal edəcək.
Rusiya hərbi maşını ixracdan, o cümlədən Aİ-dən əldə edilən pul hesabına böyüyür.
Sanksiyalar əsas razılaşmalara mane olmur. Çin, Hindistan və Türkiyəyə tədarükdə heç bir məhdudiyyət yoxdur, ona görə də Kremlin hələ də müharibəni davam etdirmək üçün resursları var.
Xuraman Etibarlı
İnterpress.az
