Avropada küçələrdə yaşayan evsizlərin sayı artır.
Bu barədə İnterpress.az xarici mediaya istinadən xəbər verir.
Fransa, İngiltərə, Almaniya və Belçika başda olmaqla bir çox Avropa ölkəsində yaşayış xərclərinin artmasının yaratdığı “sərfəli mənzil çatışmazlığı” və “sosial mənzil çatışmazlığı” səbəbindən küçələrdə yaşamaq məcburiyyətində qalanların sırasına hər gün yeniləri əlavə olunur.
“Ümumdünya Evsizlər Günü” elan edilən 10 oktyabrda qlobal evsizlik problemi ilə bağlı məlumatlılığın artırılması və ehtiyacı olanlara yardımların göstərilməsi istiqamətində işlər aparılır.
Fransada evsizlər daha çox paytaxt Paris, şimalda Lill və qonşu Almaniyanın Strasburq kimi böyük şəhərlərində küçələrdə yaşayır.
Parisin demək olar ki, hər yerində küçələrdə yaşayan insanlara rast gəlmək olar. Bəzi evsiz insanlar itləri ilə küçədə qalırlar.
Qeyri-qanuni immiqrantlar yaşamaq üçün paytaxta üstünlük verərkən, mənzil problemi ilə üzləşən mühacirlər Parisdə körpülərin altında çadırlarda yaşayırlar.
Müşayiətsiz immiqrantlar və uşaqları küçələrdə qalan mühacir ailələr vaxtaşırı Paris Bələdiyyəsi və Danıştay qarşısında çadırlar qurur və sığınacaq tələbi ilə nümayişlər təşkil edir.
Ölkədə kirayə qiymətlərinin artması və böyük şəhərlərdə kifayət qədər sayda kirayə evlərin olmaması mənzil probleminin ən mühüm səbəblərindəndir.
