Belarus ordusu Qərb Əməliyyat Komandanlığının rəhbərliyi altında genişmiqyaslı təlimlər keçirəcək.
İnterpress.az-ın Xarici mətbuata istinadən verdiyi xəbər görə, bu barədə Belarus Müdafiə Nazirliyi məlumat yayıb.
Bildirilib ki, hərbi təlimlər avqustun 28-31-də baş tutacaq.
“Hərtərəfli taktiki təlimlər üçün inteqrasiya olunmuş qüvvələrdən ibarət qrup təşkil olunub. Buraya hərbi hava qüvvələri, motorlu tüfənglər, zirehli texnika, artilleriya bölmələri, pilotsuz uçuş aparatları və elektron müharibə sistemləri daxildir”, – deyə Müdafiə Nazirliyinin məlumatında qeyd olunub.
İnterpress.az
