Belçika mətbuatında yer alan xəbərə görə, Brüsseldə iki nəfərin öldüyü hücumu həyata keçirən şəxs kafedə güllələnib.
Bu barədə İnterpress.az xarici mediaya istinadən xəbər verir.
Belçika mediasının məlumatına görə, bazar ertəsi gecə Brüsselin mərkəzində iki İsveç vətəndaşını güllələyən və üçüncü şəxsi yaralayan şübhəli hücumçu Brüsselin Schaerbeek rayonundakı kafedə güllələnib.
Belçika federal prokurorluğu məlumatı təsdiqləyib və bildirib ki, vurulan şəxs hücum edən şəxsdir.
Həbs edilən şəxsin üzərindən tapılan silahın dünən gecə hücumun törədildiyi silahla eyni olduğu açıqlanıb. Ötən gün Belçikanın paytaxtı Brüsseldə silahlı hücum olub. Hücum nəticəsində iki İsveç vətəndaşı həyatını itirib.
Hücum edən şəxs hadisə yerindən qaçarkən, polis hücumçunu tutmaq üçün əməliyyat başladıb.
Hadisə yerinə çoxlu polis və təcili yardım maşınları göndərilib. Prokurorlar hücumu terror kimi qiymətləndirdiklərini bildirib, Belçikada terror təhlükəsi ən yüksək səviyyəyə qaldırılıb.
Sosial şəbəkədə yayımladığı videoda özünü təcavüzkar kimi təqdim edən şəxs özünü Abdesalem Al Guilani kimi təqdim edərək İŞİD terror təşkilatının üzvü olduğunu bildirib.
Guilani 3 isveçlini öldürdüyünü bildirib. Həyatını itirən iki nəfərin AVRO-2024-ün seçmə mərhələsi çərçivəsində yerli vaxtla saat 19.15-də başlayacaq Belçika-İsveç milli matçını izləmək üçün Belçikaya gələn İsveç vətəndaşları olduğu düşünülür.
