Böyük Britaniyanın baş naziri Rişi Sunak və Misir prezidenti Əbdülfəttah əs-Sisi telefon danışığında Qəzza zolağının Misirə açılan Rəfah Sərhəd Qapısındakı çətin təhlükəsizlik vəziyyətini müzakirə ediblər. Bu barədə İnterpress.az xarici mediaya istinadən xəbər verir. Baş nazirliyin 10 nömrəli ofisinin sözçüsü tərəfindən edilən açıqlamada, Sunakın bu səhər Sisi ilə telefon danışığında İsrail-Fələstin münaqişəsində həyatını itirən misirlilərə başsağlığı verdiyi qeyd edilib.
Görüşdə Sunak terrorun harada olursa olsun, qarşısı alınmalı olan bir şər olduğunu bildirib, münaqişənin daha da yayılmamasının vacibliyini vurğulayıb:
“Sunak Misirin bölgədə oynadığı tarixi rolun, o cümlədən gərginliyin azaldılması səylərinin əhəmiyyətini vurğuladı. Baş nazir Sunak Rəfah Sərhəd Qapısında çətin təhlükəsizlik vəziyyətini etiraf etdi. O, İngiltərənin bu vəziyyəti idarə etməsini dəstəklədiyini ifadə etdi. Marşrut humanitar və konsulluq səbəblərlə, o cümlədən Britaniya vətəndaşları üçün açıqdır”.
