Dağıstanda yaxın qohumunu 5 dəfə güllələyən şəxs onu öldürə bilməyib.
İnterpress.аz xəbər verir ki, bu barədə Rusiya mediası məlumat yayıb.
Dağıstanda qohumlar arasında silahlı qarşıdurma baş verib. Novıy Sulaq qəsəbəsində yaranan kəskin mübahisə zamanı 32 yaşlı yerli sakin öz yaxın qohumuna odlu silahdan ard-arda 5 dəfə atəş açıb. Lakin zərərçəkən ağır güllə yaralarına baxmayaraq, sağ qalmağı bacarıb.
İstintaqın məlumatına görə, güllələnən şəxs ətrafdakı şahidlərin operativ köməkliyi və hadisə yerinə gələn təcili yardım həkimlərinin peşəkar tibbi müdaxiləsi sayəsində ölümün pəncəsindən xilas ola bilib.
Faktla bağlı hüquq-mühafizə orqanları tərəfindən qəsdən adamöldürməyə cəhd maddəsi ilə rəsmi cinayət işi başlanılıb.
Atəş açan şübhəli şəxs saxlanılaraq nəzarətə götürülüb, zəruri istintaq hərəkətləri davam etdirilir.
Xuraman Etibarlı
İnterpress.аz
