Efiopiyanın Amhara bölgəsində təhlükəsizlik qüvvələri ilə silahlı qruplar arasında baş verən qarşıdurmada 50-dən çox Fano silahlısı öldürülüb.
Bu barədə İnterpress.az xarici mediaya istinadən xəbər verir.
Efiopiya Milli Müdafiə Qüvvələrindən (ENDF) verilən açıqlamaya görə, ölkənin Amhara bölgəsində toqquşmalar baş verib.
Təhlükəsizlik qüvvələrinin Amharada silahlı qruplaşmalara qarşı keçirdiyi əməliyyatlarda 50-dən çox Fano yaraqlısı zərərsizləşdirilib.
Açıqlamada toqquşmaların paytaxt Əddis Əbəbədən 700 kilometr şimalda yerləşən tarixi Qondar şəhərində şiddətləndiyi vurğulanıb və Amhara etnik qrupuna mənsub Fano silahlılarının dəf edildiyi vurğulanıb.
Digər tərəfdən, Amhara silahlıları sosial şəbəkələrdəki paylaşımlarında qarşıdurmalarda çoxlu əsgəri öldürdüklərini iddia ediblər.
Aprel ayında Amharada təhlükəsizlik qüvvələri ilə Fano silahlıları arasında toqquşmalar baş verib.
Efiopiyada federal hökumət 2022-ci ilin noyabrında Tigray Xalq Azadlıq Cəbhəsi (TPLF) ilə sülh sazişi imzaladı. Bölgədəki bütün təşkilatlar tərksilah etməyə razılaşarkən, Amharada yerləşən “Fano” adlı milis qrupu ordu ilə qarşıdurmaya başlayıb.
Federal hökumət Amhara bölgəsində ordu ilə yerli milislər arasında toqquşmaların şiddətlənməsindən sonra avqustun 4-də fövqəladə vəziyyət elan edib və avqustun 7-də Amharada bəzi bölgələrdə nəzarətin itirildiyini açıqlayıb.
Afrika İttifaqı (AfB) avqustun 16-da ordu birlikləri ilə üsyançılar arasında toqquşmaları dayandırmağa çağırmışdı.
