Mənim tutulmağım üçün mükafat təyin etmək – pulun boş yerə xərclənməsidir.
İnterpress.az xəbər verir ki, bunu Suriya prezidenti Əhməd əl-Şaraa ABŞ-nin onun tutulmasına kömək edəcək məlumat üçün 10 milyon dollarlıq mükafat təyin etməsinə münasibət bildirib.
“Bu, sadəcə pulun boşa xərclənməsidir. Bu hadisələr 25 il əvvəl baş verib, mən o zaman 17–18 yaşında idim. İndi sizin məlumatlılıq səviyyəniz o vaxtkından tam fərqlidir”, – CBS News-a müsahibəsində əl-Şaraa deyib.
Suriya lideri bununla ABŞ-nin ona qarşı irəli sürdüyü ittihamların artıq aktual olmadığını vurğulayıb.
Jurnalistin onun İŞİD və “Əl-Qaidə” ilə münasibətlərinin kəsilməsi barədə sualına cavabında əl-Şaraa bildirib:
“Əgər onların ideyaları ilə razı olsaydım, onlardan ayrılmazdım”.
Xuraman Etibarlı
İnterpress.az
