Fransada polisin yeniyetməni güllələməsi ilə başlayan etirazların altıncı gecəsində 157 nəfərin saxlanıldığı bildirilir.
Bu barədə İnterpress.az xarici mediaya istinadən xəbər verir.
İyunun 27-də Nael M. adlı gənc sürücü polisin açdığı atəş nəticəsində dünyasını dəyişib.
Etirazlar bu gecə bir çox şəhərdə davam etdi.
Fransa Daxili İşlər Nazirliyinin açıqladığı məlumatlara görə, ölkə daxilində gecə nümayişləri zamanı 157 nəfər saxlanılıb, 3 polis və jandarm yaralanıb. Nazirlik bu balansın müvəqqəti olduğunu bildirib.
Daxili işlər naziri Gerald Darmanin Twitter hesabından verdiyi açıqlamada gecə saatlarında Saint-Deni şəhərindəki yeraltı avtomobil parkında çoxlu avtomobilin yandırıldığını qeyd edib.
Darmanin yanğınsöndürənin ailəsinə və yaxınlarına başsağlığı verib, yanğına müdaxilə edən 24 yaşlı xilasedicini xilas etmək mümkün olmadığını bildirib.
Fransa polisi iyunun 27-də Nanterredə 3 nəfərin olduğu avtomobilə atəş açaraq 17 yaşlı sürücü Nael M-ni öldürüb.
Naelin ölümünə reaksiya verənlər ölkənin müxtəlif şəhərlərində küçələrə çıxaraq polislə toqquşdular.
Gənci qətlə yetirən polis məmuru həbs edilib və məhbus kimi mühakimə olunub.
Bundan əlavə, Paris, Marsel və Lion kimi bir çox şəhərdə keçirilən etiraz aksiyaları zamanı qarət və talan baş verib, saat 21:00-dan etibarən 10 şəhərdə komendant saatı elan edilib.
