Yaponiyanın Fukusima Dai-i-i Atom Elektrik Stansiyasında toplanmış radioaktiv təmizlənmiş tullantı sularının okeana axıdılmasının üçüncü mərhələsinə başlanılıb. Bu barədə İnterpress.az xarici mediaya istinadən xəbər verir. Zavodun operatoru Tokyo Electric Power (TEPCO) şirkətinin bəyanatına görə, təmizlənmiş çirkab suların axıdılmasının üçüncü mərhələsi başlayıb, birincisi 24 avqust-11 sentyabr, ikincisi isə 5-23 oktyabr tarixləri arasında tamamlanıb.
Müvafiq olaraq, noyabrın 20-dək dəniz səviyyəsindən aşağıda tikilən tunel vasitəsilə sahil zolağından 1 kilometr uzaqlıqda yerləşən Sakit Okeanın sularına gündə təxminən 460 ton çirkab su buraxılacaq.
Dördüncü mərhələdə reallaşacaq tullantı sularının axıdılması ilə 2024-cü ilin mart ayının sonuna qədər Fukuşima Dai-i-i Atom Elektrik Stansiyasından cəmi 31 min 200 ton çirkab sularının axıdılması planlaşdırılır.
Elektrik stansiyasında aparılan yoxlamalardan sonra Beynəlxalq Atom Enerjisi Agentliyi (MAQATE) iyulun əvvəlində verdiyi yekun hesabatda planın təhlükəsizlik standartlarına uyğun olduğunu açıqlayıb.
Boşaltma planı bölgədə yaşayan balıqçıların və ətraf mühitin mühafizəsi fəallarının, eləcə də qonşu ölkələrdən, xüsusən də Çindən reaksiya doğurur.
2011-ci ilin mart ayında baş vermiş 9 bal gücündə zəlzələ nəticəsində yaranan sunami Fukusima Dai-i Atom Elektrik Stansiyasına ziyan vurmuş, radioaktiv tullantılara görə stansiyanın ətrafı “evakuasiya zonası” elan edilmişdir.
