Gürcüstan Daxili İşlər Nazirliyində kadr dəyişiklikləri aparılıb.
İnterpress.az xəbər verir ki, bu barədə gürcü mediası məlumat yayıb.
Polis general-mayoru İosif Çelidze daxili işlər nazirinin müavini vəzifəsindən istefa verib. O, 2019-cu il sentyabrın 10-dan daxili işlər nazirinin müavinidir.
Çelidze gedəndən sonra daxili işlər naziri Gela Geladzenin 4 müavini qalıb.
Dəyişikliklər Ümumi Müfəttişlik Departamentinə də təsir edib.
Daxili İşlər Nazirliyinin məlumatına görə, David Arçvadze idarənin yeni direktoru təyin edilib. O, bu vəzifədə Giorgi İosebidzeni əvəzləyib.
Xuraman Etibarlı
İnterpress.az
