İndoneziyada Sumatra adasında 300-dən çox yerdə baş verən yanğınlar nəticəsində yaranan hava çirkliliyi səbəbindən vətəndaşlar evdən işə çağırılıb və məktəblərin distant təhsilə keçirilməsinə qərar verilib.
Bu barədə İnterpress.az xarici mediaya istinadən xəbər verir.
Cənubi Sumatra Fəlakət İdarəetmə Agentliyinin rəsmiləri isti və quraq hava şəraiti səbəbindən bölgədə 316 yanğının söndürülməsinin çətinləşdiyini açıqlayıb.
Səlahiyyətlilər xəbərdarlıq edib ki, yanğınlar nəticəsində yaranan hava çirkliliyi tənəffüs yolu infeksiyaları, öskürək, nəfəs darlığı və göz qıcıqlanması kimi xəstəliklərə səbəb ola bilər, buna görə də mümkün qədər evdən işləsin.
İndoneziya hökuməti hava çirkliliyinin təhlükəli həddə çatması səbəbindən açılış tarixləri bu günə qədər təxirə salınan məktəblərin də distant təhsilə keçməsinə qərar verib. İndoneziya Meteorologiya, İqlim və Geofizika Agentliyi tərəfindən bölgədən paylaşılan peyk görüntüləri yanğından tüstünün Sumatra və Borneo adalarının müxtəlif hissələrini əhatə etdiyini göstərir. Yanğınların yaratdığı əlverişsiz hava şəraitinin təxminən 1,7 milyon insana təsir etdiyi bildirilir.
