İngiltərədə maaş artımı ilə bağlı uzun müddətdir hökumətlə ziddiyyət təşkil edən mütəxəssis həkimlər, ümumi praktikantlar və köməkçi həkimlər ikinci dəfə birlikdə tətilə çıxıblar.
Bu barədə İnterpress.az xarici mediaya istinadən xəbər verir.
Ölkədə təxminən 24 min mütəxəssis həkim və 61 min ümumi praktikant və köməkçi həkim 3 günlük iş dayandırmağa başlayıb.
Həkimlərin işinin dayandırılması zamanı yalnız təcili yardım göstəriləcək. İngiltərənin Milli Səhiyyə Sistemi (NHS) rəsmiləri xəbərdarlıq edib ki, tətil zamanı xəstəxanalardakı gündəlik xidmətlər demək olar ki, dayana bilər.
İngiltərənin səhiyyə naziri Stiv Barklay həkimləri tətili dayandırmağa çağırıb.
Sentyabrın 20-də ilk dəfə olaraq mütəxəssis və ümumi praktikantlar birlikdə tətilə çıxdılar, lakin bu kollektiv iş dayandırılması 24 saat davam edib.
Xəstəxanada müalicə gözləyənlərin sayı təxminən 7,7 milyon nəfərə çatıb.
Maaşların inflyasiyadan yuxarı artırılmasını tələb edən mütəxəssis həkimlər bu il 4-cü, əmək haqqının 35 faiz artırılmasını istəyən ümumi praktikant və köməkçi həkimlər isə 7-ci dəfə tətil edirlər.
İngiltərədəki həkimlərin tətili xəstəxanalarda müalicə gözləyənlərin sayının təxminən 7,7 milyona yüksəlməsinin səbəblərindən biridir.
Baş nazir Sunak tətil edənləri gözləmə siyahılarına görə günahlandırdı Avqust ayında verdiyi açıqlamada İngiltərənin Baş naziri Rishi Sunak hökumətin xəstəxanalardakı gözləmə siyahılarını azaltmaq məqsədinə nail ola bilməyəcəyini və əldə edilən irəliləyişin səhiyyə işçilərinin tətilləri səbəbindən pozulduğunu iddia edib. Sunak tətil edənləri və Covid-19 epidemiyasını xəstəxanalarda müalicə gözləyənlərin sayının artmasında günahlandırıb.
İngiltərədə keçən il xəstəxanalarda müalicə gözləyənlərin sayı 7 milyona yüksəlib.
