Britaniyada insan üzlü sazan balığı aşkar edilib.
İnterpress.az xəbər verir ki, bu barədə “What’s The Jam” məlumat yayıb.
Nəşr yazdığına görə, Böyük Britaniyada “sifəti insan üzünə bənzəyən” sazan o qədər məşhurlaşıb ki, sahibi bağçanın hasarını möhkəmləndirməli, kameralar qoymalı və mühafizəçi tutmalı olub.
Bob adı verilən qeyri-adi balıq başında insan üzünü çox xatırladan ləkələrin unikal naxışı sayəsində diqqət çəkib. Bu sazan 4 ildir landşaft dizayneri Malkolm Pousona məxsus gölməçədə yaşayır.
Sazan çox populyarlaşıb. 150 funta alınan balıq indi yeddi min funta təklif olunur. Lakin sahibi Bobu satmaq niyyətində deyil.
Xuraman Etibarlı
İnterpress.az
