İran kütləvi qırğın silahlarının olmadığı dünyanın ciddi tərəfdarıdır.
İnterpress.az xəbər verir ki, bunu İran İslam Respublikasının xarici işlər naziri Abbas Əraqçi deyib.
O, mesajında Bəəsçi Səddam Hüseyn rejiminin İranın şimal-qərbindəki Sərdəşt şəhərinin müdafiəsiz əhalisinə qarşı törətdiyi dəhşətli kimyəvi hücumun 38-ci ildönümünü qeyd edib və həmçinin Kimyəvi və Bioloji Silahlarla Milli Mübarizə Gününü qeyd edib.
Nazir sənəddə vurğulayıb ki, İran İslam Respublikası müasir tarixdə kimyəvi silahların ən böyük qurbanı olmaqla, hər zaman kütləvi qırğın silahlarına qarşı mübarizədə ön sıralardadır.
Mətndə deyilir: “İran İslam Respublikası müasir tarixdə kimyəvi silahların ən böyük qurbanı, kütləvi qırğın silahlarından azad dünyanın ciddi tərəfdarı və nüvə silahlarından azad Yaxın Şərqin təşəbbüskarı kimi ardıcıl olaraq bu silahlara qarşı mübarizənin önündə olub”.
Xuraman Etibarlı
İnterpress.az
