İraq prezidenti baş nazirə qarşı iddia qaldırıb.
İnterpress.az xəbər verir ki, bu barədə İraq mediası məlumat yayıb.
İraq prezidenti Rəşid İraq Kürdüstanında dövlət qulluqçularının maaşlarının gecikdirilməsi ilə bağlı baş nazir əl-Sudani və maliyyə naziri Samiyə qarşı iddia qaldırıb.
İddia Bağdad və Ərbilin üzərində işlədiyi “texniki prosedurlara” baxmayaraq, maaşların fasiləsiz ödənilməsi tələbi ilə Federal Ali Məhkəməyə təqdim edilib.
2023-cü ildə Ali Məhkəmə federal hökumətin İraq Kürdüstanında maaşları birbaşa ödəməli olduğuna qərar verib. Lakin rəsmilər texniki problemlərin ödənişləri nizamsız saxladığını söyləyib.
Siyasi analitiklər prezidentlə baş nazir arasında münaqişənin kəskinləşməsinə işarə edərək, İraq hökuməti daxilində getdikcə daha çox ixtilafın olduğunu vurğulayıblar.
Xuraman Etibarlı
İnterpress.az
