İsrail ordusu İordaniya ərazisindən yüzlərlə silahlının potensial hücumuna hazırlaşır.
İnterpress.az xəbər verir ki, bu barədə “Maariv” məlumat yayıb. Bildirilir ki, İsrail hərbçiləri oktyabrın 7-də baş vermiş hadisələrin digər bölgələrdə təkrarlanmaması üçün gücləndirilmiş tədbirlər görür.
Ordu onlarla, hətta yüzlərlə yaraqlının İordaniyadan İordan çayının qərb sahilindəki yəhudi yaşayış məntəqələrinə sıza biləcəyi mümkün ssenariyə hazırlaşır.
Qeyd edilir ki, İran İordan çayının qərb sahilindən və İordaniyadan fəaliyyət göstərəcək terror hücrələrinin yaradılması üzərində işləyir.
Bunun fonunda İsrail ordusu qüvvələrin sayını artırmaq qərarına gəlib. Bəzi yaşayış məntəqələri yaxınlığında departament forpostları yaradılır ki, bu da fövqəladə vəziyyət zamanı dərhal reaksiya verməlidir.
Həmçinin əsas tədbirlərdən biri İordaniya ilə sərhəddə təhlükəsizliyə görə məsuliyyətin İsrail ordusunun Mərkəzi Komandanlığına verilməsi olub.
Bu hazırlıq çərçivəsində “Şərq bölməsi” adlanan yeni ərazi vahidi yaradılır.
Xuraman Etibarlı
İnterpress.az
