Müğənni Aysel Əlizadə dərman qiymətlərindən gileylənib.
Yenisabah.az xəbər verir ki, ailəsinin “Omicron” ştammına yoluxduğunu iddia edən Aysel dərmanlara xeyli pul xərclədiyini deyib:
“Ailəmizdə bir neçə insan yeni ştamma yoluxub. Ailə üzvlərinizə diqqət yetirin. Evinizdə körpələr, yaşılılar varsa, özünüzə diqqət yetirin ki, daşıyıcı olmayasınız. Buna boş bir xəstəlik kimi yanaşmayın. Bilmirəm immun sistemim buna qalib gələcək, ya yox. İnşallah, yoluxmaram. Sadəcə olaraq küçədə xəstə insanlar gəzməsin.
Çox ağır keçir. Koronavirusa yoluxanlarda immunitet zəifləyir. Bir müddət əvvəl mən də yoluxmuşdum. Hələ reseptin yüzdə onunu almışam, 200 manatdan çox ödəmişəm. Bunları nəzərə alaraq deyirəm ki, xəstəsinizsə, evdə oturun. Çölə çıxıb insanların canına salmayın. Vicdanla düşünün. Bu gün qazanıb nəsə ödəyirsiz. Ayda 200-300 manat maaşa işləyənlər var ki, bu gün onu ödəyə bilmir”.
