Nigeriyanın cənubundakı Delta əyalətində yanacaq daşıyan tankerin partlaması nəticəsində 20 nəfər həyatını itirib.
Bu barədə İnterpress.az xarici mediaya istinadən xəbər verir.
Milli mətbuatda yer alan xəbərlərə görə, Delta əyalətinin Warri-Benin avtomobil yolunda benzin daşıyan tankerdə naməlum səbəbdən partlayış baş verib.
Partlayış nəticəsində 20 nəfər ölüb, çoxlu sayda insan yaralanıb, bəzi evlərə ziyan dəyib.
Səlahiyyətlilər bölgəyə yanğınsöndürmə briqadalarının göndərildiyini və hadisə ilə bağlı araşdırmalara başlanıldığını bildirib.
Yaralıların müalicə altına alındığını bildirən səlahiyyətlilər, ölənlərin sayının artacağından narahat olduqlarını ifadə ediblər.
