“Pakistan böyük bazardır və biz istərdik ki, bu bazara daha çox Azərbaycan məhsulu daxil olsun. Bu, iki ölkə xalqlarını bir-birinə daha da yaxınlaşdıracaq”.
Yenisabah.az xəbər verir ki, bu sözləri Pakistanın Azərbaycandakı səfiri Bilal Haee bildirib.
Səfir iki ölkə arasında olan iqtisadi əlaqələri şərh edərkən deyib:
“Pakistanın beynəlxalq aviaşirkətləri nəinki Azərbaycanla birbaşa reyslərin açılmasında, hətta burada ofisin açılmasında da çox maraqlıdırlar. Bunda yeganə maneə COVID-19-dan sonra Azərbaycanın viza prosesini tam bərpa etməsidir. Biz minlərlə pakistanlının Azərbaycana səfər etməyə hazır olduğunu görürük”.
