Pandemiya şəraitinə baxmayaraq, 2020-ci ildən başlayaraq, Şəmkir Qadın Resurs Mərkəzi İctimai Birliyin KOB subyekti olaraq həyata keçirdiyi “Ailə Biznesinin” yaradılmasında qadın və qızların rolu və ailə büdcəsinin formalaşmasında əhəmiyyətliliyi layihəsi uğurla davam edir.
Layihə çərçivəsində Şirvan şəhərində 20-yə qədər şəxs üçün Gender məsələləri, qadın sahibkarlığı, biznes planının (BP) hazırlanması, marketinq, maliyyə resurslarına çıxış və digər mövzularda həm əyani, həm də onlayn formada təlimlər təşkil edilmişdir.
Bu layihə, qadınların və qızların iqtisadi güclənməsi və ailə büdcəsinin formalaşmasında daha fəal rol almaları üçün böyük bir addım olmuşdur. Təlimlərdə iştirak edənlər, sahibkarlıq fəaliyyətinə başlamaq və mövcud bizneslərini inkişaf etdirmək üçün vacib biliklər əldə etmişlər.
