“Rusiya postlarının Tavuş vilayətində qurulması anklav ərazilərin Azərbaycana qaytarılması ilə bağlı ola bilər”.
İnterpress.az Ermənistan KİV-nə istinadən xəbər verir ki, bu barədə “Şərəf duyuram” blokunu üzvü Tiqran Abramyan açıqlama verib.
O, ölkə hakimiyyətini bu barədə məlumatları xalqdan gizlətməkdə ittiham edib.
“Artıq bəzi proseslər ictimaiyyətdən gizli şəkildə aparılır. 102-ci hərbi bazanın ölkənin fərqli yerlərində zastava və müdafiə məntəqələrini qurmasını normal qarşılayıram. Amma hökumət mətbuatda məlumatların çıxmasından öncə bu barədə informasiya verməlidir”-deyə Abramyan deyib.
Hazırda Qazaxın 7 kəndi Ermənistanın işğalı altındadır.
