Cənubi Koreya və ABŞ-da yerləşən iki təşkilatın hazırladığı hesabatda Şimali Koreyanın nüvə silahı planlarının Cənubi Koreya və ABŞ üçün təhdid yarada biləcəyi iddia edilib.
Bu barədə İnterpress.az xarici mediaya istinadən xəbər verir.
Cənubi Koreyada yerləşən Asan Siyasət Araşdırmaları İnstitutu və ABŞ-da yerləşən RAND Corp. Qeyri-kommersiya strateji təşkilatları “Cənubi Koreya Respublikasının Nüvə Təminatının Gücləndirilməsi variantları” adlı birgə hesabat dərc ediblər.
Hesabatda Şimali Koreya lideri Kim Çen Inın “2030-cu ilə qədər mümkün olan ən azı 300-500 nüvə silahından ibarət bir qüvvə planlaşdırdığı” ifadə edilib və bu vəziyyətin Cənubi Koreya və ABŞ üçün “təhdid yarada biləcəyi” qeyd edilib.
Hesabatda Şimali Koreyanın “nüvə silahından ABŞ-ın Cənubi Koreya ilə əməkdaşlığını pozmaq və ABŞ-ı təhdid etmək üçün istifadə etməyə” və Cənubi Koreyanı “işğal etmədən idarə etməyə” ümid etdiyi bildirilir.
Hesabatda ABŞ-ın Sakit Okeandakı ballistik raket sualtı qayıqlarının bir hissəsinin və ya hamısının “Şimali Koreyanı hədəf almağa həsr edilməsi” təklif edilir və Cənubi Koreyanın nüvə təminatını gücləndirmək variantları arasında ABŞ-ın orta hesabla 100 taktiki nüvə silahı sökmə planları Cənubi Koreyaya köçürüləcək.
