Tbilisidə evlərin satışı və kirayəsi bahalaşıb.
Bu barədə İnterpress.az xarici mediaya istinadən xəbər verir.
2023-cü ilin avqustunda Tbilisidə 3287 transaksiya əməliyyatı qeydə alınıb ki, bu da 2022-ci ilin avqust göstəricisindən 6% azdır.
“TBS Capital”ın araşdırmasında qeyd olunur ki, daşınmaz əmlakın orta satış qiyməti əvvəlki ayla müqayisədə dəyişməz qalıb və bir kvadratmetrin dəyəri 1161 dollar olub, illik nisbət isə 19% artıb.
İcarəyə gəlincə, araşdırmalara görə, icarə qiyməti 1 kvadratmetr üçün 12,3 dollar təşkil edib ki, bu da ötən ilin eyni dövrü ilə müqayisədə 37% çoxdur.
“TBS Capital”ın məlumatına görə, daşınmaz əmlak bazarının həcmi 252 milyon ABŞ dolları təşkil edib və illik ifadədə 12% artım qeydə alınıb.
