“Titanik” gəmisinin qəzasına ekspedisiyası zamanı partlayan və 5 nəfərin ölümünə səbəb olan “Titan” sualtı gəmisinin qalıqlarının qalan hissəsi Atlantik okeanından çıxarılıb. Bu barədə İnterpress.az xarici mediaya istinadən xəbər verir. BBC-nin məlumatına görə, ABŞ Sahil Mühafizəsi rəsmiləri sualtı qayığın son hissələrinin keçən həftə mühəndislər tərəfindən çıxarılaraq ABŞ-dakı limana aparıldığını açıqlayıb.
Səlahiyyətlilər “Titan” sualtı qayığının batması ilə bağlı beynəlxalq araşdırmaların davam etdiyinə diqqət çəkərək, gələcəkdə bununla bağlı açıqlama veriləcəyini açıqlayıb.
Digər tərəfdən, tibbi qrupların çıxarılan hissələrdə insan qalıqlarını araşdıracağı bildirilib.
İyunun 18-də Atlantik okeanında batan Titanik gəmisinə turistik səfər təşkil edən “OceanGate” adlı şirkətə məxsus “Titan” sualtı qayığı partlayaraq 5 nəfərin ölümünə səbəb olub.
OceanGate hadisədən sonra bütün fəaliyyətini dayandırıb.
Titan qalıqlarının ilk parçaları Kanadanın Sankt-Peterburq şəhərində tapılıb. Yığım St John’s Limanında başlayıb və kranlarla gəmidən çıxarılan hissələrin plastik qoruyucu örtüklərlə qorunduğu görülüb.
Titanın səthə çıxarılan ilk parçalarında insan qalıqları tapılıb.
ABŞ və Kanada iyunun 24-də səyahəti zamanı yoxa çıxan “Titan” sualtı qayığının partlaması ilə bağlı araşdırmaya başlayıb.
