“Erməni qatillərin həbsi davam edir: növbədə qondarma rejimin “keçmiş rəhbərləri” – Arkadi Qukasyan, Bako Saakyan, Araik Arutyunyandır”.
İnterpress.az xəbər verir ki, bunu siyasi şərhçi Asif Nərimanlı bildirib.
Onun sözlərinə görə, erməni mənbələr onların gizləndiyi yazır, ehtimal olunur ki, Xankəndindən kənardadırlar.
Politoloq bildirib ki, onların sülhməramlıların bazasında olması da istisna edilməməlidir.
“Lakin Samvel Şahramanyanın Bakıdan onların Ermənistana keçməsinə şəraitin yaradılması xahişini etdiyi, bu xahişin rədd edildiyi məlumatları da var. Azərbaycan kəşfiyyatının bu şəxslərin hərəkətlərini daim nəzarətdə saxladığı deyilir. Xocalı qatillərinin, əli qana batmış olanların hamısının tezliklə Ruben Vardanyan kimi başıaşağı, Davit Manukyan kimi üzüdivara dayanacağını gözləyirik. Bu, Azərbaycanın haqqıdır”, – A.Nərimanlı əlavə edib.
