Əhalisi illər ərzində azalan Yunanıstanda yeni doğulan körpələrin sayı 2022-ci ildə bir əvvəlki ilə nisbətən yüzdə 10,3 azalıb.
Bu barədə İnterpress.az xarici mediaya istinadən xəbər verir.
Yunanıstan Statistika Təşkilatının (ELSTAT) hesabatına görə, 2021-ci ildə 85 min 346 olan yeni doğulan körpələrin sayı yüzdə 10,3 azalaraq 76 min 541-ə düşüb. Ölkədə 2022-ci ildə ölənlərin sayı 140 min 801 olduğu halda, 2021-ci ildə bu rəqəm 143 min 923 olub. 2022-ci ildə bir yaşı tamam olmadan ölən körpələrin sayı 239 olub. Ölkədə 2022-ci ildə 43 min 355 cüt evlənib.
Evlilik əvəzinə rəsmi “birgə yaşayış müqaviləsi” bağlamağa üstünlük verənlərin sayı 13 min 157 nəfər olub. 2021-ci illə müqayisədə 2022-ci ildə evlənən cütlüklərin sayı 6,4 faiz, “birgə yaşayış müqaviləsi” ilə münasibətlərini rəsmiləşdirən cütlüklərin sayı isə 13,9 faiz artıb.
