İnterpress.az xəbər verir ki, Tbilisi Cümə məscidində bayram namazı qılınıb.
Gürcüstan Müsəlmanları İdarəsinin (GMİ) sədri, şeyx Hacı Ramin İgidov Qurban bayramı münasibətilə müsəlmanları təbrik edib. O, inanclıların dua, ibadət və qurbanlarının qəbul olunmasını diləyib.
GMİ sədri Qurban bayramının mahiyyəti və fəlsəfəsi barədə də danışıb.
İranın Gürcüstandakı səfiri Seyid Cavad Şəhristan, Tbilisidə olan müsəlman turistlər də bayram namazında iştirak ediblər.
Tbilisidə və azərbaycanlıların yığcam yaşadığı Marneuli rayonunun məscidlərində də bayram namazları qılınıb. (report.az)
İnterpress.az
