Vətəndaş Həmrəyliyi Partiyasının 124 saylı Şuşa-Ağdam-Xocalı-Xocavənd seçki dairəsindən namizədi Tebriz Quliyev bu gün Sabunçu rayonu Ramana-450 qəsəbəsində yerləşən Şuşa rayonu Malıbəyli kənd Uşaq Musiqi Məktəbində seçicilərlə görüşüb. Görüşdə Təbriz Quliyev qaçqın həyatı yaşıyan seçicilərin problemlərindən danişmış, bu gün ölkənin ən böyük məsələsinin torpaqların işğaldan azad edilməsi olduğunu bildirmişdir. T. Quliyev parlamentdə təmsil olunacağı halda Qarabağ mövzusunu və qaçqınların problemlərini daim diqqət mərkəzində saxlayacağını deyib. Görüşdə iştirak edən seçicilərdən də bir neçəsi çıxış etmiş, problemlərindən danışaraq 9 fevral seçkilərində Təbriz Quliyevə səs verəcəklərini bildirmişlər.
