Qobustan qəsəbəsinin sakini, 29 yaşlı Bəkirov Sərxan Telman oğlu və tanışı, 29 yaşlı Babayev Orxan Məmmədağa oğlu iki yük maşınını qarət ediblər.
Dostlar Qaradağ rayonu ərazisində yük maşınlarının ehtiyyat hissələrini oğurlayıblar. Nəticədə zərərçəkənlərə 800 manatdan çox maddi ziyan dəyib.
38-ci polis bölməsində toplanan materiallar Qaradağ Rayon Polis İdarəsinin istintaq şöbəsinə göndərilib.
Araşdırmalar zamanı məlum olub ki, saxlanılan hər iki şəxs əvvəllər də məhkumluq həyatı yaşayıb.
Bundan başqa, Sərxan Bəkirov və Orxan Babayevin başqa oğurluq əməlləri də üzə çıxıb. Hazırda həmin faktlar ətrafında araşdırmalar davam etdirilir. (musavat.com)
İnterpress.az
