İnerpress.az-ın İngiltərə mətbuatına istinadən verdiyi xəbərə görə, hadisə Hollandiyanın Rotterdam bölgəsində baş verib.
Məlumata görə, Mariya Putina Hollandiyanın Rotterdam şəhərində avtomobil qəzası zamanı dünyasını dəyişib. Hadisə zamanı Putinanın həyat yoldaşı da ölüb.
Mariya Putinanın həyat yoldaşı Yorrit Faassen niderlandlıdır.
Xarici mətbuatda cütlüyün “Audi” markalı minik maşınında qəzaya uğradığı deyilir. Belə ki, ər-arvadın mindiyi maşın yüksək sürətlə hərəkətdə olub. Bu zaman qarşıdan gələn “Man” markalı yük avtomobilinə çırpılıb. Zərbədən sonra “Audi” parçalanıb, maşında olan sərnişinlər yerindəcə həlak olublar. Şahidlərin dediyinə görə, maşın saatda 160 kilometr sürətlə hərəkət edib. “Man”ın sürücüsü yüngül xəsarətlərlə xəstəxanaya yerləşdirilib. Qəza zamanı “Audi”nin sükanı arxasında Mariyanın həyat yoldaşı – Yorritin olduğu deyilib.
Mariya Putina hadisə yerində keçinib, onun həyat yoldaşı isə xəstəxanada dünyasını dəyişib.
Məsələ ilə bağlı Rusiya tərəfi hələlik heç bir açıqlama verməyib.
İnterpress.az
