Türkiyədə Məhəmməd peyğəmbərin (s.ə.s) saqqalı (\”Sakal-ı Şərif\”) oğurlanıb. Türkiyə mətbuatından verilən məlumata görə, saqqal naməlum şəxs və ya şəxslər tərəfindən oğurlanıb.
Saqqalın qorunduğu məscidin nəzarətçiləri \”Sakal-ı Şərif\”in saxlandığı qutuda olmadığını gecə yoxlaması zamanı müəyyən ediblər. Saqqal müqəddəs Ramazan ayı münasibətilə sərgilənmək üçün Dəyirməndərə Yalı Məscidinə aparılıb. Adıçəkilən məscid Kocaeli şəhərində, Gölçük rayonunda yerləşir.
Dərhal polisə məlumat verilib və araşdırma başlanılıb. Adıçəkilən qutu bir neçə gün öncə eyni şəhərdəki başqa məsciddə nümayiş edilmişdi. Məhəmməd peyğəmbərin (s.ə.s) saqqalı hər il Ramazan ayı günlərində məscidlərdə nümayiş etdirilir.
Məhəmməd Peyğmbərin (s.ə.s) vəfatından sonra ən sevimli bərbəri tərəfindən saqqalının kəsildiyi deyilir. Saqqal bu gün Türkiyədə Topqapı sarayında nümayiş etdirilir. Osmanlı padşahı Sultan Səlimin 1517-ci ildə Misir səfərindən sonra İstanbula gətirilən Saqqalı-Şərif burada nümayiş etdirilir. (ans)
İnterpress.az
