Bu barədə ATƏT-in mətbuat xidməti məlumat yayıb.
Məlumatda bildirilir ki, Ştaynmayer bu gün ATƏT-in Minsk qrupunun həmsədrləri ilə Berlində Qarabağ münaqişəsini müzakirə edib: “Ştaynmayer atəşkəsin möhkəmləndirilməsini alqışlayır. Görüşün iştirakçıları siyasi danışıqlara genişləndirilməsi ilə bağlı razılığa gəliblər. Bugünkü danışıqların gedişatında Dağlıq Qarabağ münaqişəsinin həlli ilə bağlı atılacaq addımlar və Ştaynmayeranın regiona qarşıdakı səfəri müzakirə olunub\”.
Ştaynmayerin Dağlıq Qarabağa planlaşdırılan səfərini müzakirə edən sabiq dövlət müşaviri, politoloq Qabil Hüseynli Anspress-ə açıqlamasında bildirib ki, əgər alman rəsmisi Ermənistan rəhbərliyi ilə Laçın dəhlizindən Xankəndinə gədəcəksə, o zaman separatçılığı bəri başdan müdafiə etmiş olacaq.
“Frank-Valter Ştaynmayer beynəlxalq hüququ və Birləşmiş Millətlər Təşkilatının (BMT) qətnamələrini nəzərə alırsa, Dağlıq Qarabağa Bakıdan səfər edəcək. Ermənistan bu səfərdən öz məqsədləri üçün istifadə edə bilərlər. Çünki Dağlıq Qarabağ heç bir dövlət və təşkilat tərəfindən tanınmayan separatçı qurumdur. Ona görə də Ştaynmayer Dağlıq Qarabağa səfər etməmişdən əvvəl Azərbaycanın siyasi hakimiyyətindən icazə almalıdır. Əks təqdirdə bu səfər onun ATƏT-in fəaliyyətdə olan sədri kimi reputasiyasına ciddi zərbə ola bilər. Ştaynmayer səfərlə qarşısına hənsı hədəfləri və məqsədləri qoyduğu məlum deyil”, – deyə politoloq bildirib.
Qabil Hüseynli bildirib ki, kansler Angela Merkel münaqişənin Rusiyanın əlində olduğunu deyib. “O zaman Ştaynmayerin Dağlıq Qarabağa səfərinin heç bir əhəmiyyəti qalmır”.
Qeyd edək ki, Almaniya parlamenti bir müddət əvvəl \”erməni soyqırımı\” ilə bağlı layihəni qəbul edib.
Bu qərar Azərbaycan və Türkiyənin kəskin etirazı ilə nəticələnib. (modern.az)
İnterpress.az
