“Türk Hava Yolları”na məxsus yük təyyarəsinin Qırğızıstanda qəzaya uğraması nəticəsində 37 nəfər ölüb.
Bu barədə Qırğızıstan Fövqəladə Hallar Nazirliyi açıqlama yayıb. Hadisə yerində axtarış-xilasetmə işləri davam etdirilir. Ölənlərin sayının artacağı ehtimal olunur.
Nazirlikdən bildirilib ki, ölən 37 nəfərdən 30-un kimliyi müəyyənləşdirilib. Digər 7 cəsədinin qalıqları tapılıb.
Ölkənin Səhiyyə Nazirliyinin məlumatına görə, 7-si uşaq olmaqla, 11 nəfər xəstəxanaya yerləşdirilib.
Ölkənin Baş Prokurorluğu faktla bağlı cinayət işi başlayıb. ( apa )
***
Təyyarə qəzası nəticəsində ölənlərin sayı 35 nəfərə çatıb.
Təyyarənin düşdüyü ərazidə 15 birmərtəbəli yaşayış evi dağılıb.
***
Honkonq-Bişkek uçuşu zamanı təyyarənin qəzaya uğraması nəticəsində ölənlərin sayı 32 nəfər çatıb.
Bu barədə Qırğızıstan Səhiyyə Nazirliyindən məlumat verilib. Qəza nəticəsində 8 nəfər ağır yaralanıb. Onlardan 6-sı azyaşlılardır.
***
Bu gün səhər saatlarında baş verən qəza nəticəsində 30-dan çox insan ölüb.
Qırğızıstan Müdafiə Nazirliyindən verilən məlumata görə, ölənlərin sayının artacağı istisna edilmir.
Hadisə yerinə çox sayda təcili tibbi yardım maşını cəlb edilib. Bölgədə xilasetmə əməliyyatları aparılır.
İnterpress.az
