İnterpress.az xarici mətbuata istinadən xəbər verir ki, Yəmən İnformasiya Agentliyi \”SABA\”-nın verdiyi xəbərə görə, Hadi, Taiz Hərbi Şurasının Sədri General-mayor Sadiq Sərxan və Xalq Müqaviməti Qüvvələri (HDG) komandanı Hammud əl-Mixlafi ilə telefonda danışaraq, Ənsarullah Hərəkatına (Husilər) və devrilmiş lider Əli Abdulla Salehə sadiq qüvvələrə qarşı aparılan hərbi əməliyyatlar haqqında məlumat aldı.
Taizin \”azad olunması olması an məsələsidir\” deyən Hadi, şəhərdəki blokadanın qaldırılması, dövlət müəssisələrinin qorunması, təhlükəsizlik və sabitliyin mühafizəsi üçün bir olmağın vacibliyinə işarə etdi.
Yəmənin üçüncü böyük şəhəri olan Taiz, bir neçə aydır ki, Husilər və Saleh tərəfdarı qüvvələr tərəfindən blokada şəraitində saxlanılır. Taizin, Babul- Məndəb Boğazına açılan coğrafi mövqeyi və ötən iyul ayında azad edilmiş Ədən, Lahic, Dali, Şəbvə və Əbyən şəhərlərinin yer aldığı xətt üzərində olması mühüm əhəmiyyət kəsb edir.
İnterpress.az
