İnterpress.az xarici mətbuata istinadən xəbər verir ki, Obamanın korteji Orli Hava Limanından birbaşa Bataklan teatrının ərazisinə gedib.
Fransa prezidenti Fransua Olland və Paris meri Anne Hidalqonun müşayiəti ilə teatra gələn ABŞ prezidenti 90 nəfərin öldürüldüyü məkana bir ağ qızıl gül qoyub. Daha sonra o, başını aşağı əyərək sükut içində dayanıb.
Səfər üçün təhlükəsizlik gücləndirilib, ərazi üzərində vertolyotlar uçub, yollar bağlanıb.
Bu gün (Bazar ertəsi) fəaliyyətə başlayan sammitdə təxminən 150 dünya lideri iştirak edəcək.
Özünü \”İslam Dövləti\” adlandıran qruplaşmanın məsuliyyətini üzərinə götürdüyü 13 noyabr hücumlarında 130 nəfər həyatını itirib, 360 nəfər xəsarət alıb.
Silahlı şəxslər şəhərin 7 müxtəlif hissəsində atəş açıb və bomba partladıb. Fransada hücumlardan sonra hələ də fövqəladə vəziyyətdir.
Fransa prokurorluğu bildirir ki, hücumlarda üç əlaqəli komandada azı 11 yaraqlı cəlb olunub.
Onlardan doqquz nəfər həlak olub. İki şübhəli şəxs – Salah Abdeslam və Məhəmməd Abrini isə hələ də gizlənirlər.
Fransa polisi bütün ölkə üzrə yüzlərlə reyd həyata keçirib. Reydlər həmçinin, Belçikanın paytaxtı Brüsseldə də baş tutub.
Bundan əvvəl, bazar günü Parisdə 200-dən artıq nümayişçi polislə toqquşmalardan sonra həbs olunub.
İqlim dəyişikliyi fəalları hücumlarından sonra təxirə salınan mart marşrutu boyunca insan zənciri yaradıblar.
\”Place de la Republique\”-də olan nümayişçilərdən bəziləri Fransada fövqəladə vəziyyətə qarşı etiraz edib.
Interpress.az
