Bunu \”Azneft” İstehsalat Birliyinin baş mühəndisi Balamirzə Ağarəhimov deyib. O, qeyd edib ki, xarici mütəxəssislər artıq 10-cu özüldə, platformanın üzərindədirlər: “Yanğının söndürülməsi üçün işlər davam etdirilir. Artıq xarici mütəxəssislər hadisə yerinə gediblər. Onlar oradakı vəziyyəti gördükdən sonra qərar verərəcəklər\”.
Balamirzə Ağarəhimov əlavə edib ki, sabah havanın necə olmasından asılı olaraq axtarışla bağlı qərar veriləcək: “Bu gün səhərdən indiyədək aparılan axtarışlar zamanı yanğın nəticəsində itkin düşən neftçilərdən heç birinin cəsədi aşkarlanmayıb. Yanğın isə ilk gündəkinə nisbətən xeyli zəifləyib. Sabah havaların soyuması ilə əlaqədar olaraq, vertolyotla axtarış işlərinin aparılmasına FHN qərar verəcək. Gəmilərlə axtarış işləri küləyin sürətindən asılı olaraq müvəqqəti dayandırılacaq, sonra yenidən davam etdiriləcək. Güclü külək səbəbindən qadağan olunan işlər görülməyəcək, qalan işlər isə davam etdiriləcək\”.(aznews)
Interpress.az
