İnterpress.az Rus mətbuatına istinadən xəbər verir ki, Moskvanın şimal-qərbində Tuşin Maşınqayırma Zavodunun ərazisində baş verən yanğının 15 min kvadrat metrə yayıldığı bildirilib.
Hadisə yerinə gələn Rusiya Fövqəladə Hallar Nazirliyi Moskva İdarəsinin Rəisi İlya Denisov, \”120×30 metr ölçülərində 5 mərtəbəli bir fabrik binasının hamısı yanır\” – dedi.
Bu arada yanğının qonşu iki binaya keçdiyi bildirilir. \”RIA Novosti\”yə danışan Fövqəladə Hallar Nazirliyindən bir mənbə, \”Yanğın, iki qonşu binaya sıçrayıb. Bu binalar da beş mərtəbəlidir. Aralarından birinin inzibati bina olduğu ehtimal edilir\” məlumatını bölüşdü.
Yanan zavod binası tamamilə dağıldı. Anbar olaraq istifadə edilən binanın ətrafında olan tikinti təchizatı təxliyə edilərkən, yanğın söndürmə işlərinə şiddətli küləyin mane olduğu ifadə edilib.
Hadisə yerinə 134 yanğınsöndürmə maşını və 140 yanğınsöndürən çalışır.
Əksəriyyəti boya olmaq üzrə kimyəvi maddələrin toplandığı binadakı yanğının səbəbi hələ bilinmir. Zavod rəhbərliyindən alınan məlumata görə yanğının başladığı saatlarda binada heç kəs olmurdu.
Moskva Polis İdarəsindən alınan məlumata görə, yanan anbar Sovetlər dövründə Boran Kosmik Mərkəzi üçün kimyəvi maddələr istehsal olunduğu zavodun ərazisində yer alır.
İnterpress.azhttps://youtube.com/watch?v=04tXaMgc8Bc
