Müğənni Nazim Pişiyari səhnə fəaliyyətinə son qoymağı planlaşdırır.
İnterpress.az xəbər verir ki, bu barədə sənətçi “10-da görüşək” proqramında deyib. O, yaxın illər ərzində verilişlərə və toy mərasimlərinə getməyəcəyini bildirib:
“Hesab edirəm, səhnədən getmək vaxtı yaxınlaşır. Düşünmürəm ki, 80 yaşına qədər oxumaq lazımdır. Bunu yalnız özümə şamil edirəm, subyektiv fikrimdir. Stop deməyi də insan bacarmalıdır. Təxmini 5 ildən sonra öz fəaliyyətimi dayandıracağam. Toy şənliklərinə isə daha getməyəcəm”.
Qeyd edək ki, Nazim Pişiyarinin 53 yaşı var.
