Nigeriyanın şimalındakı Niger əyalətində evi yandırılan katolik keşiş ölüb.
Bu barədə İnterpress.az yerli mediaya istinadən xəbər verir.
Ştat polisinin sözçüsü Vasiu Abiodun bildirib ki, silahlı şəxslər Paikoro rayonunda Müqəddəs Peter və Paul Katolik Kilsəsinin keşişi İsaak Açinin evini yandırıblar.
Abiodun bildirib ki, Ata Açi hadisə yerində ölüb, başqa bir keşiş Baba Kollinz isə qaçmağa çalışarkən arxadan açılan atəş nəticəsində yaralanıb.
Polis hücum edənləri tutmaq üçün əməliyyata başlayıb.
Niger adam oğurluğu və quldurluq səbəbindən təhlükəsizlik təhdidlərinin sıx olduğu dövlətlərdən biri kimi tanınır.
Fevralda keçiriləcək prezident seçkiləri öncəsi ölkədə silahlı hücumların artması diqqət çəkir.
