Güclü külək Salyan rayonunda fəsadlar törədib.
Bu barədə İnterpress.az-a bir qrup rayon sakini məlumat verib.
Qeyd edilib ki, küləyin təsirindən şəhərin mərkəzindəki ağacların budaqları qırılıb.
H.Əliyev küçəsində, Cümə məscidinin qarşısında yaşı 70 ildən çox olan və el arasında “keçi buynuzu” deyilən ağac qəfildən qırılaraq yola aşıb.
Xoşbəxtlikdən hadisə nəticəsində xəsarət alan olmayıb.
