BMT-nin Beynəlxalq Miqrasiya Təşkilatı (IOM) 2023-cü ilin əvvəlindən Mərkəzi Aralıq dənizini keçməyə çalışan qeyri-qanuni miqrantların 1000-dən çox ölümünün qeydə alındığını bildirib.
Bu barədə İnterpress.az xarici mediaya istinadən xəbər verir.
İlin əvvəlindən bu yana Mərkəzi Aralıq dənizində 1000-dən çox qeyri-qanuni miqrant ölümünün qeydə alındığı bildirilib və bunun ötən ilin eyni dövrü ilə müqayisədə üçüncü artım olduğu qeyd edilib.
“Miqrantlar Avropada təhlükəsizlik, qorunma və ya daha yaxşı həyat axtarışı üçün mərkəzi Aralıq dənizini keçməyə hər gün yararsız qayıqlara minirlər. Təəssüf ki, narahatedici ölənlərin sayı nəzərə çarpmır. Bir çox miqrantların yardım çağırışları eşidilməyib və onların ölümləri hesaba alınmayıb”, məlumatda deyilir.
Həmçinin ölkələri qeyri-qanuni miqrantlar və qaçqınlar üçün təhlükəsiz kanalları genişləndirməyə və sürətli axtarış-xilasetmə əməliyyatlarına üstünlük verərək qanuni öhdəliklərini yerinə yetirməyə çağırılıb.
Aralıq dənizini keçə bilən və ya öz imkanları ilə xilas edilən immiqrantların Avropaya ayaq basdıqları ilk yer İtaliyanın Şimali Afrikaya ən yaxın quru hissəsi olan Lampeduza adasıdır.
Hər il çoxlu sayda qeyri-qanuni miqrant Aralıq dənizini keçmək istəyərkən qayığın çevrilməsi və ya qayıqlarda həddindən artıq sıxlıq səbəbindən hava və su çatışmazlığı səbəbindən ölür.
